Um helgina voru endurfundir hjá 1963-árganginum í Barnaskóla Akureyrar. Gleðin hófst hjá gamla bekknum mínum með samveru og keiluspili og svo var matur og ball í Lóninu. Það var almennt vel mætt og mikil stemning, góður matur og frábært ball þar sem gamlir slagarar voru rifjaðir upp og dansgólfið var troðið allan tímann. Mér fannst alltaf mjög gaman í skólanum, mér gekk vel að læra, átti góðar vinkonur og var skotin í strákunum í bekknum (mest í Valda B og Þorsteini Hjalta), og ég vildi ekki skipta yfir í Lundaskóla þegar hann var stofnaður rétt hjá heimili mínu í Víðilundinum. Í mínum bekk voru frábærir krakkar og oft glatt á hjalla þótt við séum öll mjög alvarleg á bekkjarmyndinni frá 1976. Við vorum að mig minnir 27 í bekknum, á myndina vantar a.m.k. þrjá. Við erum öll við hestaheilsu, lifum góðu lífi og finnst mjög gaman að hittast en þetta er í þriðja sinn sem við gerum okkur glaðan dag saman. Næst er stefnan tekin á fimmtugsafmælisárið, 2013.
Noh….alvarlegur hópur þarna, – hvar er Brynjar á þessari mynd ?
Brynjar var í 14. stofu en ég í 8., við vorum ekki saman í bekk. En þekktir þú mig á myndinni?
Ég get rétt Þorsteini miða frá þér á föstudögum
Ert þú fjórða frá hægri í efstu röð? Einhver Ingu-svipur þar, finnst mér…
Glaðlegur hópur!
Takk fyrir alveg stórskemmtilega samveru. Þetta er meiriháttar.
Laufey og félagar eiga skilið að fá orðu og heiðursverðlaun, blómvönd, koníak og ræðu á næsta reunion.