Nú stefnir í að alls verði 20.000 manns atvinnulausir á landinu í kjölfar kreppunnar. Ríkið ætlar að skera niður og draga úr allri þjónustu, t.d. var í fréttablaðinu í morgun að það á að fækka í löggunni. Stórt vændismál er í sigtinu, fíkniefnaneysla og glæpir aukast samhliða atvinnuleysi, samdrætti og þrengingum á heimilum landsmanna. Hvað verður um okkar unga fólk? Dæmi eru til um að foreldrar hafi ekki ráð á heitum skólamáltíðum og neyðist jafnvel til að taka börn af leikskólum til að spara sér gjöldin.  Í gær sat ég í 6 manna góðum vinahópi úr HÍ; maki eins fékk uppsagnarbréf 1. febrúar, tveir búast við bréfi á hverri stundu, tveir eru ríkisstarfsmenn og einn lét ekkert uppi. Ég bíð spennt eftir ráðstöfunum ríkisstjórnarinnar um framtíð okkar.