Í skammdeginu er voða gott að skella þessu evrótrashi í spilarann, þetta er sjóðheitt og fullt af stuði fyrir eilífðargelgjur eins og mig.
Tónlist
Rokk og ról
Unga fólkið kann alveg að rokka, það er eins og Rúnar F hafi rokkað í tuttugu ár. Ekta gamaldags stuðlag með góðu trukki og batnar við hverja hlustun.
Ástarleikur
Þá er Carlos gamli ekki síðri plokkari en Chris. Hann lyftir þessi lagi í æðra veldi, án hans væri það bara gutl. Hann fær samt ekki að vera í útvarpsþætti að þessu sinni. Á sumarvegi er alltaf kl. 1300 alla virka daga í júli, útsending á mínum þætti: 17. júlí, ég er búin að hlusta á þáttinn og veit ekkert hvaða nefmælta stamandi kona er að fimbulfamba þetta um gamlar ferðasögur, frekar þvoglumælt…
Á leið til helvítis
Muna ekki allir eftir þessu frábæra lagi? Það verður í útvarpsþættinum, gufuaðdáendurnir munu hristast upp úr hægindastólunum þegar Chris byrjar að plokka.
Gasolin-nostalgía
Snilldargrúppa! Ég fór á tónleika með þeim í Köben 1976 og það er alveg ógleymanlegt.
Hér er gamli Kim og lagið úr Sommer:
Sissel Kirkebo heillar mig
Mér finnst svo hátíðlegt á jólum að horfa/hlusta á tónleika og messur. Í gær naut ég þess að Sissel Kirkebo söng nokkur jólalög með norskum mormónakór (eru mormónar virkilega svona margir í Noregi? Hvað er málið?). Þegar hún syngur þarf hún ekkert að rembast eða þenja sig, silkimjúk röddin streymir fram algjörlega áreynslulaust að því er virðist og hún brosir sínu blíðasta á háu tónunum. Ótrúlega falleg og góð söngkona.
