Stuðstuðlag til að gleyma sér í dansi eða á hlaupum og djúpur texti…

Hví er konan eiginlega að syngja á ensku? Stuðlag samt, hef það i botni í spilaranum þegar ég skokka.

Í dag er ég í eitísstuði og þetta er algjörlega föstudagslagið, sjáið bara hárgreiðslurnar og herðapúðana – svo minnir lagið mig alltaf á Heiðrúnu frænku mína sem mér þykir ákaflega vænt um!

Söngkeppni MK var haldin í gær í Salnum í Kópavogi. Glæsileg keppni og frábærir söngvarar. Kristín Svava Sigurðardóttir vann keppnina, tók þetta flotta lag: Töff lag

Óttar og Lúlli taka lagið.

Það er algjörlega fylgst er með ferðum manns og gjörðum á netinu, gleymum því aldrei. Eftir margvíslegt spilerí á Youtube  í gegnum tíðina er stungið upp á lögum sem eru akkúrat fyrir minn smekk (Recommended for you), t.d. þessum gamla slagara . Og það er hárrétt, er það ekki óhugnanlegt?

Þessa mynd fann ég hvergi á netinu. Þetta er plötuumslagið frá 1975 eftir Sigrúnu Eldjárn. Myndin er skönnuð inn af geisladiskinum sem ég keypti á tónleikum frábæru í gærkvöldi. Þarna eru kunnuglegar týpur komnar saman, einstæða mamman með krakkahrúguna og amman, pilluætan og hjúkkan. Það var rosalega gaman að heyra aftur þessi stórskemmtilegu og íronísku lög, um Þyrnirósu sem bíður eftir prinsinum sínum, Signýju (lögfræðinginn kvenlega) og Gunnu sem er útslitin kona orðin fjörutíu og eins o.s.frv. Söngkonurnar ungu hjá Nemaforum voru frábærar, þær Esther, Margrét, Sigga og Brynhildur og ég man ekki nafnið á konunni sem spilaði svo  listilega á píanóið. Notaleg kvöldstund í Slippsalnum sem alltof margir misstu af.

Danskt er dásamlegt og ég er í einhverju nostalgíukasti þessa dagana. Nú er það Anne mad á rúv í kvöld og hér er Kim með snilldarlag.