Er mikið að pæla í Japan þessa dagana enda tímamótagrein um Murakami í smíðum. Heillandi land, stórkostleg þjóð, blóði drifin saga og gríðarlegar andstæður mætast í fornum hefðum og örri nútímavæðingu. Best er að passa sig á að fara ekki inn á skónum, ekki snýta sér á almannafæri en endilega læra helstu frasana, tala hátt og sötra.
Frá Borgarfirði eystri, sumarið 2012
Ferðasaga sumarsins er komin á bloggið. Ég hef vart haft undan að svara fyrirspurnum óþreyjufullra lesenda sem fylgst hafa með ferðasögunni frá upphafi og var farið að lengja verulega eftir 2012. Sagan er hér til hægri, undir Ferðasögur, doldið lengi að hlaðast inn…
Smella hér til að skoða ipod-videó af Sjóferð á Hólma ÞH (doldið langt og hægt í gang…)
Hér er Soffía á réttri hillu.
Merki Langanesbyggðar steypt í ál við innsiglinguna í höfnina.
Kátum dögum á Þórshöfn lauk á sunnudaginn. Þessi mynd er tekin frá sjó, við Sossa fórum í skemmtisiglingu í veðurblíðunni.
Við Gunna á góðri stund. Ég horfði með mikilli öfund á Þuru sem póstaði myndum grimmt á Grikklandi. Loksins fattaði ég hvernig ég get sent myndir úr poddinum beint á bloggið! Það er aquðvitað bara að ná sér í app.
Nidri fossinn á Lefkas
Nú er að renna upp brottfarardagur okkar systra til Grikklands, landsins sem Ástríkur heimsótti, Hómer orti svo fallega um forðum og Byron lávarður, sá rómantíski sjarmör, heillaðist af. Árum saman höfum við safnað og nurlað í ferðasjóð og nú liggur leiðin í brúðkaup Friðgeirs og Natalie sem haldið er á eyju undan vesturströnd Grikklands. Framundan er vikureisa, sól og slökun og gleði. Veðurspáin er góð og nóg við að vera á hinni fögru Levkada. eyjarskeggjar bíða í ofvæni eftir túristum með fulla vasa af evrum og við systurnar þrjár ætlum svo sannarlega að skemmta okkur vel.
UTILE et DULCI 