Í dag er mágur minn Haraldur fimmtugur. Hann er gull af manni, staðfastur og trúr, harðduglegur og höfðingi mikill. Til hamingju!
Sumarfríið búið
Fullt af skemmtilegum og krefjandi verkefnum bíða úrlausnar.
Sóló og grúv
Fékk allt í einu æði fyrir þessu lagi sem ég hef ekki heyrt í 20 ár. Fæ svona oft svona nostalgíu um verslunarmannahelgi… Aðallega er það gítarsólóið og diskógrúvið sem heillar mig..
10 km
Ein af örfáum skokkstundum í sumarferðalaginu
Ég er búin að skrá mig í Reykjavíkurmaraþonið í ár, 10 km. Það var ótrúlega gaman í fyrra og ég stefni á að skemmta mér eins vel núna. Engin miskunn, nú verð ég undir 60 mín! Planið er að skokka a.m.k. annan hvern dag fram að hlaupinu en hingað til hef ég lullað þetta 1-2-3svar í viku í rólegheitum. Ég þarf að einbeita mér að því að taka spretti til að efla þolið og auka hraðann aðeins. Í fyrra var ég rosalega einbeitt í hollu mataræði en núna er ég ekki eins staðföst, óreglulegt sumarfæði á ferðalögum og lausmjólka rauðvínsbeljur taka sinn toll. Ætlaði að skrá skokkhringi undanfarinna daga til að halda mér við efnið en það er vírus á hlaup.com…
Sushi
Skaust í 101 og fékk mér sushi með Huldu á hlýjum sumardegi. Það var sérlega skemmtilegt og bar margt á góma. Var 20 mín að hjóla, ekkert bílastæðavesen, bara ferðafrelsi og ilmur af nýslegnu grasi í Öskjuhlíðinni.
Dalvíkin er draumablá
Nú þegar verslunarmannahelgin nálgast rifjast upp fyrir mér ferðalög með fjölskyldunni forðum daga, í vw-bjöllu sem alltaf var troðfull af farangri, vegaryki og sígarettureyk. Við þrjár systurnar vorum alltaf bílveikar en til að hressa okkur við voru ýmsir leikir í boði, gátur, sögustundir og landafræðikennsla og alltaf var mikið sungið í bílnum. Meðal þess vinsælasta var einn af fjölmörgum lagatextum sem pabbi hefur samið í gegnum árin. Þessi texti er um Dalvík við lagið Love me tender, en þá var hann skólastjóri við Húsabakkaskóla í Svarfaðardal. Í hvert sinn sem farið var í kaupstaðarferð út á Dalvík frá Húsabakka var þetta lag alltaf sungið hástöfum og margoft síðan og það minnir mig á ljúfa bernskudaga.
:;:Dalvíkin er draumablá
og dýrðleg til að sjá:;:
Ofar stendur Upsafjall
eins og gamall kall
:;:Sólin skín á stein og stekk
og stúlku í fyrsta bekk:;:
Sjóferð á Kátum dögum
Smella hér til að skoða ipod-videó af Sjóferð á Hólma ÞH (doldið langt og hægt í gang…)
Sjóferð
Hér er Soffía á réttri hillu.
Þórshöfn
Merki Langanesbyggðar steypt í ál við innsiglinguna í höfnina.
Þórshöfn
Kátum dögum á Þórshöfn lauk á sunnudaginn. Þessi mynd er tekin frá sjó, við Sossa fórum í skemmtisiglingu í veðurblíðunni.
